लसीकरण केंद्रास आमदार सुभाष देशमुख यांची भेट
Admin 
सोलापूर : प्रतिनिधी
सोलापूर महानगरपालिकेतर्फे शहरात विविध ठिकाणी लसीकरण सुरू आहे. जुळे सोलापूर भागातील गजानन क्लिनिक लसीकरण केंद्रास आमदार सुभाष देशमुख यांनी शनिवारी भेट दिली आणि पाहणी केली.
यावेळी डॉ. सिद्धाराम बगले व नगरसेवका राजश्री चव्हाण यांचे अभिनंदन केले. यावेळी लसीकरणासाठी आलेल्या नागरिकांशी आमदार देशमुख यांनी चर्चा केली. आमदार देशमुख म्हणाले, लस सुरक्षित आहे. परिसरातील लोकांनी स्वतः लस घ्यावी व लसीकरणासाठी जनजागृती करावी, असे आवाहनही त्यांनी केले.
तसेच सामाजिक कार्यकर्ते परमेश्वर माळगे मित्र परिवार यांचे उत्कृष्ट नियोजन केल्याबद्दल अभिनंदन केले. याप्रसंगी सामाजिक कार्यकर्ते परमेश्वर माळगे, पी. आर.कुलकर्णी, महांतेश झेंडेकर, किरण लकडे, अमित गिराम, स्वप्नील इंगळे, परितोष रुपनर, हर्षल लकडे, रतीकांत मुस्के, शेखर शिंदे आदी उपस्थित होते.
