सोलापूरकरांनो, अत्यावश्यक सोडून सगळी दुकाने बंदच !

सोलापूर : प्रतिनिधी

सोमवार ते शुक्रवारपर्यंत ३० एप्रिल पर्यंत दररोज सकाळी ७ ते रात्री ८ वाजेपर्यंत फक्त अत्यावश्यक सेवेतील दुकाने (उदा. बेकरी, दूध डेअरी, भाजीपाला, किराणा दुकान, खाद्यपदार्थांची दुकानं, मेडिकल स्टोअर) सुरू राहतील. बाकी सगळी दुकाने पूर्णपणे बंद राहतील.

आणि शुक्रवारी सायंकाळी आठ वाजल्यापासून सोमवारी सकाळी ७ वाजेपर्यंत रुग्णालय अत्यावश्यक सेवा वगळता इतर सर्व सेवा दुकानं बंद राहणार आहेत.

वाढत्या कोरोना रुग्ण संख्येमुळे शासनाने रविवारी रात्री आदेश जाहीर केला. मात्र यात अनेक मुद्द्यांवर संभ्रम असल्याने सोमवारी दिवसभर नेमकी कोणत्या प्रकारची दुकाने सुरू राहणार आणि कोणत्या प्रकारची दुकाने बंद राहणार याबाबत चर्चा सुरू होती.

अखेर महापालिका आयुक्त पि. शिवशंकर यांनी सोमवारी सायंकाळी प्रसारमध्यांना याबाबत माहिती दिली.

महापालिका आयुक्तांनी सांगितल्याप्रमाणे कोणती दुकाने सुरू राहणार, वाचा :-

बेकरी, दूध डेअरी, भाजीपाला, किराणा दुकान, खाद्यपदार्थांची दुकानं, मेडिकल स्टोअर हे सकाळी सात ते सायंकाळी आठ या वेळेत सुरू राहणार.

हॉटेल किंवा खाद्यपदार्थांच्या गाड्यांवर केवळ पार्सल सेवा सुरू राहील.

शुक्रवारी सायंकाळी आठ वाजल्यापासून सोमवारी सकाळी ७ वाजेपर्यंत रुग्णालय अत्यावश्यक सेवा वगळता इतर सर्व सेवा दुकानं बंद राहणार आहेत.