श्री गणेश विसर्जन मिरवणुकीस दणक्यात प्रारंभ
विविध मध्यवर्ती अंतर्गत मिरवणुकांना सुरुवात : शहरात सर्वत्र उत्सवी वातावरण
Admin 
सोलापूर : प्रतिनिधी
सर्वांच्या लाडक्या गणपती बाप्पाला निरोप देण्यासाठी सोलापूर शहरात मिरवणुकांना दणक्यात प्रारंभ झाला आहे. शहरातील विविध मध्यवर्ती अंतर्गत लहान मोठ्या मंडळांच्या मिरवणुकीची सुरुवात नक्कीच झाली.
दत्त चौक येथे श्री विश्वविनायक वाद्यवृंद पथकाच्या गणरायाच्या मूर्तीचे पूजन माजी पालकमंत्री आमदार विजयकुमार देशमुख, पोलीस आयुक्त राजेंद्र माने यांच्या हस्ते करण्यात आले. तसेच थोरला मंगळवेढा तालीम मंडळाच्याही मूर्तीचे पूजन पोलिस आयुक्त राजेंद्र माने यांच्या नुकतेच हस्ते झाले. ओम सांस्कृतिक तरुण मंडळाने मुला मुलींच्या लेझीम पथकासह हिंदवी स्वराज्याचे संस्थापक छत्रपति श्री शिवाजी महाराजांचा सजीव देखावा मिरवणुकीत सादर केला. श्री गणेश विसर्जन मिरवणूक पाहण्यासाठी नागरिकांनी दत्त चौक येथे मोठी गर्दी केली आहे.
त्याचबरोबर शहरातील लष्कर मध्यवर्ती मंडळ, लोकमान्य मध्यवर्ती मंडळ, नीलम नगर मध्यवर्ती मंडळ , विजयपूर रोड मध्यवर्ती मंडळ, पूर्व विभाग मध्यवर्ती मंडळाच्या अंतर्गत विविध गणेशोत्सव मंडळांनी लेझीम, झांज, टिपरी अशा पारंपारिक वाद्यांसह मिरवणुकांना प्रारंभ केला आहे. या मिरवणुका पाहण्यासाठी नागरिकांनी सर्वत्र मोठी गर्दी केली आहे.
