चाटी गल्लीत ३ घरांना लागली आग
आगीचे तांडव : अग्निशमन दलाच्या गाड्या दाखल
Admin 
सोलापूर : प्रतिनिधी
सोलापूरची गजबजलेली बाजारपेठ असलेल्या चाटी गल्ली येथील ३ घरांना मंगळवारी दुपारी अचानक मोठी आग लागली आहे. काही नागरिकांच्या म्हणण्यानुसार गॅस सिलेंडरचा स्फोट झाला असून शॉर्टसर्किट झाल्याचे काही जणांनी सांगितले.
एका घराला लागलेल्या आगीतून शेजारील घराला आग लागली. ही आग पसरत जाऊन तब्बल तीनही घरांना या आगीने विळखा घातला आहे. आगीची घटना समजताच सोलापूर महापालिकेच्या अग्निशमन दलाच्या गाड्या तात्काळ चाटी गल्लीत दाखल झाल्या. ही आग आटोक्यात आणण्यासाठी प्रयत्न सुरु असून यात नेमके किती नुकसान झाले याची माहिती संध्याकाळपर्यंत मिळण्याची शक्यता आहे.
