राष्ट्रीय कीर्तनकार चारुदत्त आफळे यांची सामाजिक कीर्तनमाला १५ पासून
कुठे होणार कीर्तनमाला ? वाचा !
Admin 
सोलापूर : प्रतिनिधी
अखिल भारत पद्मशाली पुरोहित वैदिक ज्ञानपीठम, श्रीराम जन्मोत्सव समिती, पूर्व विभाग मध्यवर्ती गणेशोत्सव मंडळ यांच्या संयुक्त विद्यमाने राष्ट्रीय कीर्तनकार चारुदत्त आफळे बुवा यांच्या श्रीराम कथा या सामाजिक कीर्तनमालेचे आयोजन करण्यात आले आहे. सोमवार (दि.१५) ते बुधवार (दि. १७) दरम्यान दररोज सायंकाळी ६ वाजता कुचन प्रशाला येथे ही सामाजिक कीर्तनमाला चालणार आहे, अशी माहिती पाखर संकुलच्या संस्थापिका शुभांगी ताई बुवा आणि पूर्व विभाग मध्यवर्ती गणेशोत्सव मंडळाचे अध्यक्ष संजय साळुंखे यांनी शनिवारी पत्रकार परिषदेत दिली.
धर्माचरण, धर्मशिक्षण धर्मरक्षणातून राष्ट्रीयत्व व आपले कर्तव्य आदी विषयांवर राष्ट्रीय कीर्तनकार चारुदत्त बुवा आफळे मार्गदर्शन करणार आहेत. सोलापूर शहरातील नागरिकांनी यावेळी उपस्थित रहावे, असे आवाहन
अखिल भारत पद्मशाली पुरोहित वैदिक ज्ञानपीठम, श्रीराम जन्मोत्सव समिती, पूर्व विभाग मध्यवर्ती गणेशोत्सव मंडळातर्फे करण्यात आले आहे.
या पत्रकार परिषदेस पुरुषोत्तम उडता, आकाश शिरते उपस्थित होते.
