बापरे ! एस. टी. बस ला आग
वाचा कुठे घडली घटना
Admin 
सोलापूर : प्रतिनिधी
स्थळ ..स्टेशन रोड, वेळ संध्याकाळी सुमारे ७ वाजता....महाराष्ट्राची लालपरी एस. टी. ला अचानक आग लागली. आणि रस्त्यावर एकच गोंधळ उडाला.
एम एच 14 बी टी 4850 ही एस टी बस अक्कलकोटहून सोलापूर बस स्थानकाकडे निघाली होती. ही गाडी सोलापूर रेल्वे स्थानकाजवळ आल्यानंतर अचानक शॉर्टसर्किटमुळे एस. टी. ला पुढील भागास आग लागली. आग वाढू लागली होती. ही बाब चालक किंवा वाहकाच्या निदर्शनास आली नव्हती. इतक्यात एका रिक्षा चालकाला हे लक्षात येताच त्याने प्रसंगावधान राखून त्वरित इशारा करुन एस. टी. थांबवली.
चालक ज्ञानेश्वर मोरे आणि वाहक सचिन सुरवसे यांना आग लागल्याचे लक्षात येताच त्यांनी त्वरित गाडीत असलेल्या 7 - 8 प्रवाशांना खाली उतरवले. काडादी चाळीतील नागरिकांनी पाणी आणून आग विझवण्याचा प्रयत्न केला तसेच अग्निशामक दलाला पाचारण केले.
अग्निशामक दलाने त्वरित येऊन आग आटोक्यात आणली. वेळीच लक्षात आल्याने आणि गाडीत अधिक प्रवासी नसल्याने पुढील अनर्थ टळला.
