रेल्वे स्थानकावर तीन गाड्या जळून खाक
पहा व्हिडिओ : गाड्यांनी अचानक पेट घेतल्याने पळापळ
Admin 
सोलापूर : प्रतिनिधी
सोलापूर रेल्वे स्थानकावर काही वेळापूर्वी तीन दुचाकी गाड्यांनी पेट घेतला. हा हा म्हणता ही आग पसरत जाऊन तीनही दुचाकी गाड्या जळून पूर्णपणे खाक झाल्या. या घटनेमुळे रेल्वे स्थानकावर एकच पळापळ झाली.
सोलापूर रेल्वे स्थानकातील आर. पी. एफ. कार्यालय आणि पार्सल कार्यालय च्या दरम्यान असलेल्या व्हीआयपी गेट नजीक लावण्यात आलेल्या तीन दुचाकी गाड्यांना मंगळवारी रात्री आग लागली. यात या अशा तीनही गाड्या पूर्णपणे जळून गेल्या. सोलापूर अग्निशामक दलाला याची माहिती मिळताच अग्निशामक दलाचे तीन बंब तत्काळ येथे दाखल झाले.
अग्निशामक दलाचे जवान समीर पाटील, रावसाहेब सलगर आणि भारत सलगर यांनी ही आग त्वरित आटोक्यात आणली. त्यामुळे परिसरात आग पसरण्यापासून वाचली व पुढील मोठा अनर्थ टळला.
या तीन दुचाकींना आग कशामुळे लागली याबाबत माहिती घेण्याचे काम सुरू असल्याचे सांगण्यात आले. अधिक तपासानंतर या आगीचे कारण स्पष्ट होणार आहे.
पहा व्हिडिओ
