यलो अलर्ट ! सोलापूरात तीन दिवस पडणार गडगडाटी पाऊस
हवामान खात्याचा इशारा
Admin 
सोलापूर : प्रतिनिधी
सोलापूरात ६, ७ आणि ८ ऑक्टोबर रोजी वीजेच्या गडगडाटासह, वाऱ्यासह पाऊस पडण्याचा अंदाज हवामान खात्याने वर्तवला आहे.
दरवर्षी परतीच्या पावसाचे मुक्कामाचे हक्काचे ठिकाण असलेल्या सोलापूरला यंदाही पावसाने जोरदार हजेरी लावली आहे. गेल्या ६ ते ७ दिवसांपासून शहर जिल्ह्याच्या विविध भागांत मोठ्या पावसाने हजेरी लावली आहे. यामुळे शेतीचेही अनेक ठिकाणी नुकसान झाले आहे. तरदुसरीकडे नैसर्गिक जलसाठ्यात वाढ होत असल्यामुळे शेतकरी वर्गात आनंद आहे.
सोलापूर शहरात मात्र या पावसाने दाणादाण उडवली आहे. सोमवारी सायंकाळपासून सुरू झालेला मोठा पाऊस रात्रीपर्यंत सुरूच आहे.
उद्या मंगळवारी (ता. ५) हलका पाऊस होण्याचा अंदाज हवामान खात्याने जाहीर केला आहे. त्यानंतर मात्र बुधवारी (ता.६), गुरुवारी (ता. ७), शुक्रवारी (ता. ८) वीजेच्या गडगडाटासह, वाऱ्यासह पाऊस पडण्याची शक्यता वर्तवत हवामान खात्याने सोलापूर जिल्ह्याला यलो अलर्ट जाहीर केला आहे.
