धक्कादायक ! सहाय्यक पोलिस आयुक्त सुहास भोसले यांचे निधन
९५ बक्षिसांनी गाजवली कारकीर्द
Admin 
सोलापूर : प्रतिनिधी
सोलापूर पोलिस आयुक्तालयातील सहाय्यक पोलिस आयुक्त सुहास भोसले यांचे बुधवारी ह्रदयविकाराच्या तीव्र झटक्याने निधन झाले. त्यांच्या निधनाने सर्वत्र हळहळ व्यक्त होत आहे.
सहाय्यक पोलिस आयुक्त सुहास भोसले हे बुधवारी सकाळी ऑफिसर क्लब येथील जीममध्ये व्यायामासाठी गेले होते. व्यायाम करताना त्यांना हृदयविकाराचा तीव्र झटका आला. त्यांना सहकाऱ्यांनी खासगी रुग्णालयात दाखल केले. परंतु त्यांची प्राणज्योत मालवली.
सहाय्यक पोलीस आयुक्त सुहास भोसले यांनी यापूर्वी पोलिस उपनिरीक्षक म्हणून सोलापूर, मुंबई शहर, पुणे, रत्नागिरी इथे, पोलिस निरीक्षक म्हणून सोलापूर ग्रामीण, सी. आय. डी. पुणे, पुणे शहर येथे सेवा बजावली आहे. तसेच सहाय्यक पोलिस आयुक्त म्हणून अमरावती शहर आणि सोलापूर शहर येथे सेवा रुजू केली आहे. बुधवारी पोलिस आयुक्त अंकुश शिंदे, पोलिस उपायुक्त डॉ. वैशाली कडुकर, डॉ. दीपाली धाटे तसेच इतर अधिकाऱ्यांनी त्यांना श्रद्धांजली वाहिली.
त्यांच्या कामगिरीबद्दल त्यांना आजवर ९५ बक्षिसे मिळाली आहेत. त्यांच्या पश्चात आई, पत्नी, मुलगी, मुलगा असा परिवार आहे.
