मंदिरे उघडली ! भक्तांची दर्शनासाठी गर्दी
पूर्व विभाग श्रीराम मंदिरात आरती
Admin 
सोलापूर : प्रतिनिधी
गेल्या आठ महिन्यांपासून भक्तांना लागून राहिलेली प्रतीक्षा अखेर सोमवारी संपली. शासकीय आदेशानुसार मंदिरे उघडताच सकाळपासून भाविकांनी देवाचे दर्शन घेण्यासाठी एकच गर्दी केली.
या महाआरतीस शहराच्या प्रथम नागरिक महापौर श्रीकांचना यन्नम यांनी हजेरी लावली. पूर्व विभाग श्रीराम मंदिर विश्वस्त मंडळातर्फे सोमवारी महाआरती करण्यात आली. गेल्या आठ महिन्यांपासून बंद असलेली मंदिरे उघडल्याबद्दल आणि दिवाळी पाडव्यानिमित्त ही महाआरती झाली.
प्रारंभी प्रभू श्रीरामांची विधिवत पूजा करण्यात आली. चिप्पा पंतलु यांनी पूजा केली. यानंतर महाआरती करण्यात आली.
यावेळी महापौर श्रीकांचना यन्नम, महापालिकेचे विरोधी पक्षनेते महेश कोठे, शिवसेनेचे जिल्हाप्रमुख पुरूषोत्तम बरडे, शहर प्रमुख गुरूशांत धुत्तरगावकर, डाॅ.श्रीकांत माकम, रामचंद्र जन्नु, मनोहर इगे, दयानंद कोंडाबत्तीनी, प्रकाश वाले, अॅड पामूल, कोटा आदी उपस्थित होते.
